Mohabbat Tor sakti hai
Koi zanjeer ho usko mohabbat torr sakti hai
Jidhar chahe ye bagein zindagi ki morr sakti hai
Mohabbat roak sakti hai kisi girtey sitarey ko
Kisi jaltey shararey ko, Fana kay shuaarey ko
Ye chalna choor aaenay ki krichein jorr sakti hai
Koi zanjeer ho, Usko mohabbat torr sakti hai
Mohabbat per kisi bhi rasm ka pehra nahin chalta
Kisi aamr, Kisi sultan ka sikka nahin chalta
Ye har zandaan ki aandhi salakhein torr sakti hai
Koi zanjeer ho usko mohabbat torr sakti hai
Ye jab chahe kisi bhi khwab ki tabeer mil jaye
Kisi rastey mein raasta poochti, Taqdeer mil jaye
Samey kay taiz dharoon ko ye pichey chorr sakti hai
Koi zanjeer ho usko mohabbat torr sakti hai
No comments:
Post a Comment