SUNANE SE RAHA MAIN....

Ahwal.e.ghum.e.zaat sunane se raha main...

Ab khud ko tamasha to banane se raha main....

Har baar mai Tazlil.e.anaa kar nahi sakta ...

Har baar usay ja k manane se raha main....

Ehsaan ka mafhoom hai aankhe'n na milana....

Ehsaan kisi ka bhi uthane se  raha main...

Mumkin hai kisi roz yah akseer bana de...

is dil mai lagi aag bujhane se raha main...

jo zakham rafiqo'n k rawaiyon se laga hain....

Wo zakham kisi ko bhi dikhane se raha main....

Jane do mujhe bazm.e.turab mein, nahi roko...

Baar.e.ghum.e.tanhai uthane se raha main....

Dariya hun to dariya hi usay pesh karun ga...

piyase ko samandar to pilane se raha main....